مسك العروس، في فترة ما انتشر هلبة على الفيس بوك والوصف اللي صار حوله أنه يدوخ ووصف خيالي للمنتج والي خلاني بصراحة نشك في الموضوع، فمشيت لمحل عبد الصمد القرشي باش نسأل ونكتشف الموضوع بنفسي. لقيت عنده نوع واحد وقالي من كثر خرافات الفيس اللي فاقت حد المنطق والاسئلة اللي تجيه اضطر يسكر صفحة المحل عالفيس، لدرجة مرة في الليل جاه شبوب يقوله نبي هذاك المسك متع النساوين وصاحب المحل مفهمش فأخذه الشاب معه للشارع...
سنة 2013 كيف بديت نشري من الانترنت، مكنتش مهتمة بالموضوع ومكانش في بالي أصلا الحق، 2013 في هدرزة وتقريبا وقتها كنت نبي نشري طرف للكمبيوتر متعي والطرف هذا مش مضمون نلقاه أصلي في ليبيا، لهذا حد معرفة اقترح عليا الشراء من النت ومنها الشيشمة انفتحت ههههههه. الشراء من الانترنت مريح جدا جدا وميزته أنك مش مضطرة تلفي وتدوري في الزحمة والحوسة وتقعدي ماشية جاية تتابعي في البضاعة وتستني في التخفيض لو كانت غالية وهكذا، عن...
إزالة الماكياج مهم هلبة بقدر أهمية أنك تديري ماكياج، شقلبت هلبة طرق عالنت والغالبية لقيت طريقتهم أن يهروا وجههم بالذات العيون بالمناديل المعطرة، للأسف العين مش ناقصة لأن هذا حيهري الرموش ويزيد قابلية أنهم يطيحوا أكثر من قبل. فيه طريقة عجبتني هلبة بالذات لما تبي تنحي الرموش الإضافية، الطريقة هذي لطيفة هلبة على العيون و عن نفسي اعتمدتها رسميا، الطريقة هي أنك تاخذي شرائح القطن الخاصة بإزالة الماكياج، تصبي عليها كمية كويسة من مزيل الماكياج...
الرموش هدية من ربي تزيد العين جمالا، فيه اللي ربي عاطيهم النعمة هذي ورموشهم ماشاء الله تبارك الرحمن، طوال وغزيرة، فعلا تخليك تنتبه لعينهم وجمالها، في ذات الوقت فيه اللي رموشهم خفيفة وفيه اللي رموشهم متوسطة الطول لكن تطيح وتختفي والبركة في التفنيص في شاشة الكمبيوتر و السهر (حقيقة عن تجربة كلما نرجع للكمبيوتر رموش يتفترشوا، جديات نتكلم مش يطيحوا لا طولهم ينقص بدرجة ملحوظة جدا)، وطبعا بما أنه فيه ناس تعاني زي حالاتنا في...
أول حاجة مهم تعرفوها، الماكياج له مهمة إبراز الجمال، وبالنسبة للعين فهو إبراز جمال العين، الصيف هذا حضرت عرس وكنا في عزومة الغذاء، يومها بينما كنت قاعدة مع النساوين نهدرزوا كانت كل سيدة تخش تلفت في نظري من ماكياجها وللأسف كنت نشوف في كوارث، قلت لأختي لو بنخدم مزينة في المنطقة هذي حنولي غنية لأن الوضع محتاج لإنقاذ فوري (بندير جو جويل :)))) ) ، المهم أني اكتشفت أنه فيه سيدات أو نساوين مش فاهمين...
عارفة العنوان مضحك لكن في نفس الوقت الموضوع مهم جدا، بعض البنات يخلو في مكياجهم أوفر (قوي لين بيّخ) ويخفي شكلهم الحقيقي وبصراحة الحركة هذي خلتنا مضحكة عند الرجالة وهذا خطأ، لدرجة فيه بنت مبدعة قداش تعجبني صفحتها اسمها يوميات رسامة ليبية دارت فيديو عن الموضوع هذا. ننصح كل بنت تبان على طبيعتها من غير تصنع، مع ان هلبة بنات توة عايشين يومهم تمثيل في تمثيل مش عارفة على من يكذبوا لتوة مفهمتش .. ما...
لا،، مفيش طريقة محددة لرسمة العين، كل بنت عندها طريقتها أو ممكن نفس الطريقة لكن باختلاف ترتيب المراحل واختلاف الأدوات المستعملة لكل بنت عن الثانية، بس الأكيد أن النتيجة هي المشتركة بينهم، رسمة عين متقنة وتزيد العين جمالا " طبعا هذا محتاج تاكم رموش طوال وكثيفين باش ببساطة المشهد يبان جميل هذا رأيي". تعلمت طريقة رسمة العين بعدما حضرت أكثر من فيديو تدريبي ولتوة ماستقريتش على طريقة خاصة أو المفضلة عندي، بس العبرة في التنفيذ،...
مرة في جروب نسائي اسمه Tripoli Girls - Where Can I Find واحدة حكت أن دكتورة نصحتها بيه، فقلت خلي نجرب وفعلا حتى أنا ننصح كل امرأة تستعمله، هو غسول خاص بالمناطق الحساسة لطيف جدا وريحته و رغوته منعشة، فيه نوعين شريتهم حنشرحلكم عليهم .. URIAGE GYN-PHY يستعمل كغسول يومي للمناطق الحساسة، يطهر بلطف وفعلا ضد التهيجات التي تحدث كالحكة مثلا، كما أنه يحافظ على توازن المنطقة الحساسة أي أنه لا يسبب الجفاف لها، لأنها...
الكونتور أو نحت الوجه، الفكرة فيه هي اللعب بالظل والإضاءة بعدة أدوات ولكل طريقته وكل طريقة تتناسب مع نوع وحالة بشرة عن الأخرى، حنكتبلكم الطرق بالتسلسل وكل نوع ومراحله. بداية هذي هي الحاجات اللي نستعمل فيها لما ندير كونتور، حنسميها ونوضح استخدام كل واحدة ونوعها، وهذوا هما الحاجات اللي وصلتلهم واقتنعت بيهم بعدما حضرت كمشة فيديوات واخترت الطريقة اللي تناسبني وتريحني، والحق مازال مجربتش الكونتور بالمستحضرات الكريمية لأنه مش مستعدة ندفع حقهم باش نجرب، أنا...
بناء على جولتي في عالم اليوتيوب و الماكياج أعجبني تميز كل قناة تملكها فتاة عن الأخرى في مدى مرونتها في التعامل مع تفاصيل وجهها، فهناك عدة أشكال للعيون و الجفن ، بعض العيون بها مساحة واسعة بين الجفن والحاجب وهناك عيون أخرى المساحة صغيرة، هناك العيون اليابانية والواسعة والعيون اللوزية الشكل وهكذا. عندما بدأت التعلم بحثت عن الفتاة التي عيونها أقرب لشكل عيني لكي أسهل الأمر على نفسي، لكن مع الوقت وجدت أن بعض الفتيات...
